Gott at vita –

  •  At ein nevnd,- 5+2 limir – sum verða valdir á aðalfundi, hevur ábyrd av øllum sum gongur fyriseg í húsinum.
  • Annað hvørt ár verða tríggir limir valdir og annaðhvørt ár tveir. Tveir eykalimir verða so valdir hvørt ár –
  • Vanligt er, at allir 7 limir eru við á nevndarfundum, so ofta tilber.
  • Nevndarfundur í fystu viku av mánaðinum. Ofta er meir enn ein fundur um mánaðin.
  • At her eru nógvir limir  sum gera eitt stórt og frívilligt arbeið, fyri at handil og gallarí kunnu fungerað so gott og professionelt sum gjørligt-
  • Og at her – altíð er brúk fyri fleiri “fittum fingrum” og góðum høvdum 😉 
  • At Piddasahandil er handilin hjá tær – og hjá øllum hinum sum eru limir og sum selja sítt heimavirkaða her.
  • Tú ert altíð vælkomin við nýggari vøru – gott um tú hugsar litir og snið sum eru uppi í tíðini.
  • Føroyskt heimavirkað er fullkomiliga tíðarleyst – bæði í litum mynstri og sniðið – og tí altíð kærkomið.
  • Tú eigur vørurnar sum liggja til sølu og tú hevur ábyrgd av, at tær lúka nútíðar krøv, at tær eru væl tilgjørdar, og at prísurin er rættur osv.
  • Tú hevur eisini ábyrgd av, at tínir heimavirkaður lutir ikki liggja í handlinum í óavmarkaða tíð – 
  • Tvey ár er góður rættisnórur – tí má eitt lítið “mánaður og árstal” standa á prísmerkinum t.d. 5/19
  • Piddasahandli hevur avmarkað pláss – so tað ber ikki til at hava “lagur” av heimavirkaðum her – tað má vera heima hjá okkum sjálvum.
  • Tað er ordiliga gott um tú kemur inn á gólvið av og á og hyggur ígjøgnum tað sum tú eigur – kanska skiftir út- tekur okkurt heimvið og leggur okkurt nýtt til sølu.  
  •  Pløgg, so sum hosur, skóleistar, troyggjur, bulaldar osv. skulu verða støddarmerkt.
  • At her kunnu seljast føroyskar bøkur og føroyskar fløgur.
  • Lopputing, feilkeyp, brúkt pløgg og líknandi selur man ikki í Piddasahandli.
  • Tó er antiksilvur/hvítbroderaðir, – fínt heklaðir dúkar og líknandi roknað sum søluvøra og í lagi at selja í Piddasahandli.
  • At einaferð um árið – í summarhálvuni – er møguleiki at hava ein “Loppusøludag” har áhugaðir limir kunnu skipa fyri sølu av loppulutum – í ávístum støðum í húsinum og uttanfyri.
  • Dato verður avtala í samstarvi við nevnd og Ribarhúsbólk og tiltaki lýst á FB og á www.ribarhus.fo
  • Limir eru vælkomnir, í samstarvi við nevndina, at skipa fyri hugnaløtum, skeiðum ella øðrum –
  • Heimavirkisfelagið skipar fyri jólasølu í OKKARAHÙSI hvørt ár,- eitt vikuskifti í nov/des.
  • Lýst verður við tiltakinum í sept/okt. og
  • Øll kunnu vera við fyri ein kostnað uppá kr.200,-
  • Avmarkað luttøka- “først til mølle”
  • Ynskiligt er, at Piddasahandil ikki verður tómdur fyri vøru, í samband við at limir luttaka á jólasølum aðrastaðni í landinum. – Her er jú opið allar dagar í viku alt árið.
  • Limir kunnu, eftir at hava veri limir í 2 ár, leiga hølir í húsinum (til veitslur, ferming t.d.) fyri serstakan kostnað – tó við serligari  avtalu um vasking v.m. Tosið við nevndina um tað.
  • Nakrar leygarmorgnar um árið kl. 10 til 12 verður skipa fyri “Morgundre
  • kka” á Ribarslofti – fyri limir
  • Vit skiftast um at hava ábyrd – ein góður drekkamunnur, eitt gott prát og eitt gylt høvi at taka ymisk áhugaverd evni upp.
  • Í Piddasahandli kann man keypa Gávukort, sum eru galdandi bæði í Piddasahandli og Ribarhúsi.-
  • Tey kunnu ikki býtast um við reiðan pening-  keypast má fyri upphæddina.

Søla og avrokning:

Tá ið ein vøra verður seld, verður lima-nummar og prísur skrivað upp í okkara “kassabók”.
Tað er bókin sum liggur á diskinum til dagligt og sum alt verður skriva í.-

Avroknað verður hvønn mánað.

Hetta verður gjørt á tann hátt, at alt, sum er skrivað í “Kassabókina”undir einum heimavirkis-nummarið – verður gjøgnumgingið og skrivað upp á tey røttu nøvnini.

10% verða trekt av samlaða søluvirðinum og restin av peninginum  fluttur á konto hjá viðkomandi limi.

Avrokningarseðlar verða ikki sendir út, men liggja í nummarrøð, í brævbjálva-haldara, sum stendur aftan fyri “reyðu kjallshurðina”- inni í køkinum i Piddasahandli.

Tit vælkomin sjálvi at heinta tykkara avrokningar.

Lat brævbjálvan við lima-numarinum standa eftir, men tak innihaldið við –

Kannið eftir og gerið vart við, um okkurt er galið, bert á tann hátt kunnu tingini koma uppá avrokningina hjá rætta viðkomandi.

Minni enn kr 300,-

Er upphæddin sum tit hava selt fyri, minni enn 300 kr. verður peningur bert  fluttur í juli og desember mánaði. –

Øll kunnu tó fáa tað tey eiga tilgóðar fyri seldar lutir útgoldið, tað er bara at gera vart við tað.

 Soleiðis virkar limaskapurin eisini:

Allir limir eru vælkomnir at hjálpa til í handlinum.

Mest umráðandi er, at handilin er opin hvønn dag.

So ert tú ikki á listanum yvir tey sum passa Piddasahandil ein dag/seinnapart um mánaðin  –  sig so frá og sig eisini  hvør dagur í viku passar tær best. 

Ring ella sms-að á tel. 224427.

Hvønn mánað verður gjørdur ein arbeiðslisti – sum sæst á heimasíðuni og á okkara FB síðu Piddasahandil- vit sum passa handilin.

Brúk fyri øllum!

Brúk er fyri fólkið til ymiskar aðrar uppgávur eisini t.d. at halda húsið reint og ruddiligt, at vaska, pussa vindeygu, viðhvørt er okkurt sum skal málast.

Bakverk er ofta brúk fyri í samband við ymisk tiltøk og  ferðafólkavitjanir.

Eisini er brúk fyri fólki at skipafyri tiltøkum, og fólki at hjálpa til, tá tiltøk eru í húsinum.

T.d á Bindifestivalinum (apr) á Varmakeldu (juni/juli) á Mentanardøgum (aug/sept) og í samband við Jólasølutiltøk (nov/des) Gott um tit hava tað í huganum.

-Ynskiligt…at tað, nakrar ferðir um árið, kundi verði skipað fyri hugnaløtum og sokallaðum Stokkakvøldumí Ribarhúsi,

Og um onkur hevur hug at skipa fyri onkrum td.- skeiðum, hugnaløtum ella øðrum, verð hjartaliga vælkomin at gera vart við tað!