Reglur & ráð fyri limir

Til allar limir í Fuglafjarðar Heimavirkisfelag

Les væl!

Vælkomin í felagið –

Tú fært eitt lima-nummar, sum tú setur á allar lutir sum tú selur í Piddasahandli.

Tú fekst eitt blað at fylla út – har tú upplýsti fartlf.nr.

Og um tú selur í Piddasahandli, eisini

kontonummar og annað í samband við limaskapin.

Títt heimavirkisnummar fært tú tá tú kemur við vøru í Piddasahandil, ella tá brúk er fyri tí.

A“skjalið ” verður goymt í “Limamappu” á Piddakontóri.

Limaskapur

Limagjaldið sum er 150 kr. um árið, eigur at verða goldið innan 1.sept. inniverandi ár.

Limagjaldið kann gjaldast

kontant ella við korti í Piddasa Handli,

ella við at flyta limagjaldið  á okkara konto í NS  9865 993 772 7

Minst til at viðmerkja hvat/hvørji  ár gjaldið er fyri.

Heimavirkisfelagið tekur eisini 10% av tí sum selt verður.

Limaskapurin er galdandi, til man sjálvur boðar frá –

munnliga ella skrivliga– at man ikki longur ynskir at vera limur.

Àminning um limagjaldið verður send sum sms-boð,  tvær ferðir um árið.

Allir limir eiga at fáa øll boð, sum verða send  gjøgnum okkara sms-skipan.

Tí er umráðandi at upplýsa  rætt fartelefonnummar.

Aðalfundur felagsins er á hvørjum ári í mars.

Limaskapurin inniber, at man kan selja sítt heimavirkaða í Piddasahandli.

Og sjálvandi eisini, at man kann tekna seg til at passa handilin, ella at hjálpa til á annan hátt.

Tá kemur man “automatiskt” við í FB-bólkin “Piddasahandil – vit sum passa handilin.”

Nýggjar mannagongdir frá 1.mai 2019

– Piddasahandil fær ein bólk við “ábyrgdarum”, sum kemur at taka sær av, at fáa vørurnar út í handilin.

Nú gera vit  soleiðis:

– Tá tú kemur við nýggjari vøru til at selja-

– Set prís, heimavirkisnummar á. Og mdr/ár við lítlum í eitt horn,(nær vøran er latin inn)-

– Eisini er gott at viðmerkja stødd, hvat slag av tógvi er brúkt og hvussu plaggi skal vaskast.

– Piddasahandil hevur sermerkt prís-merki at seta á vørurnar, stórar og smáar og klistrimerkir.

-Legg vørurnar í ein beri-posa.

– Set  posan  á borðið í køkinum –

– Hvørja viku kemur so ein av “ábyrgdarunum” at seta/leggja vørurnar út í handilin

– Um okkurt er, viðvíkjandi  onkrari av tínari vøru – so fært tú sms-boð um tað.

– Vit gleða okkum til gott samstarv og at síggja tað, sum tú leggur til sølu.

Søla og avrokning:

Tá ið ein vøra verður seld, verður lima-nummar og prísur skrivað upp í okkara “kassabók.”

Tað er bókin sum liggur á diskinum til dagligt.

Avroknað verður hvønn mánað.

Hetta verður gjørt á tann hátt, at alt, sum er skrivað í “Kassabókina”undir einum heimavirkis-nummarið – verður gjøgnumgingið og skrivað upp á tey røttu nøvnini.

10% verða trekt av samlaða søluvirðinum og restin av peninginum  fluttur á konto hjá viðkomandi limi.

Avrokningarseðlar verða ikki sendir út, men liggja í nummarrøð, í brævbjálva-haldara, sum stendur aftan fyri “reyðu kjallshurðina”- inni í køkinum i Piddasahandli.

Tit vælkomin sjálvi at heinta tykkara avrokningar.

Lat brævbjálvan við limanumarinum standa eftir, men tak innihaldið við –

Kannið eftir og gerið vart við, um okkurt er galið, bert á tann hátt kunnu tingini koma uppá avrokningina hjá rætta viðkomandi.

Minni enn kr 300,-

Er upphæddin sum tit hava selt fyri, minni enn 300 kr. verður peningur bert  fluttur í juli og desember mánaði. –

Øll kunnu tó fáa tað tey eiga tilgóðar fyri seldar lutir útgoldið,

tað er bara at gera vart við tað.

 Soleiðis virkar limaskapurin eisini:

Allir limir eru vælkomnirat hjálpa til í handlinum.

Mest umráðandi er at handilin er opin hvønn dag.

So ert tú ikki á listanum yvir tey sum fegin vilja passa Piddasahandil ein dag um mánaðin,

Sig so endiliga frá og sig eisini frá, hvør dagur í viku passar tær best.

Skriva teg upp , ring ella sms-að á tel. 224427 og sig frá.

Hvønn mánað verður gjørdur ein arbeiðslisti

Brúk fyri øllum!

Brúk er fyri fólkið til ymiskar aðrar uppgávur eisini t.d. at halda húsið reint og ruddiligt, at vaska, pussa vindeygu, viðhvørt er okkurt sum skal málast.

Bakverk er ofta brúk fyri í samband við ymisk tiltøk og  ferðafólkavitjanir.

Eisini er brúk fyri fólki at skipafyri tiltøkum, og fólki at hjálpa til, tá tiltøk eru í húsinum. t.d á Bindifestivalinum (apr) Varmakeldu (juni/juli) Mentanardøgum (aug/sept) og í samband við Jólasølutiltøk (nov/des) Gott um tit hava tað í huganum.

-Ynskiligt…at tað, nakrar ferðir um árið kundi verði skipað fyri hugnaløtum og sokallaðum Stokkakvøldumí Ribarhúsi.

Og um onkur hevur hug at skipa fyri onkrum td.- skeiðum, hugnaløtum ella øðrum, verð hjartaliga vælkomin at gera vart við tað!