02/07/2022

Vælkomin í søguliga PERLU mitt í býnum í Fuglafirði

Vælkomin – inn á gamalt gólv – vælkomin í  søguliga, hugnaliga, fjálga og kreativa PERLU mitt í býnum í Fuglafirði  – Vælkomin í Ribarhús og Piddasahandil og Lúkukaffi – Vælkomin inn gjøgnum tað reyðu ella tað bláu hurðina og tú kanst ganga aftur og fram undir taki – her er turt og gott pláss – og nógvir krókar bæði uppi og niðri – Vælkomin í Ribarhús – her hongur Leirvíksfjall á gomlu veggjabrettunum. Í Piddasahandli sum er í tveimum hæddum,  sæst og fæst nógv lekkur ullvøra – bundin pløgg av alskins slag og ymist annað hand-og-heimavirka – her fáast  eisini lambaskinn og  Lúkukaffi selur hugnaligar kaffi og te-dussar við góðum heimabakstri afturvið.

Í dag:

Leygardagur 2. juli:
LÚKUKAFFI
kl. 07.15-14.00 Skorpan selur nýbakað breyð
kl. 11.30-18.00 fæst gott kaffi/te og heimabakstur.

Eftir kl. 14 selur Hjallurin  vafflur og kramarísar í Ribarhúsi

PIDDASAHANDIL:
kl. 11.00-18.00 er opið. Nógv lekkurt heimavirkað at fáa.

RIBARHÚS:
kl. 11.00-18.00 Framsýning “OKKARA ELSKAÐA LEIRVÍKSFJALL”
Fólk kunnu atkvøða um hvør besta myndin er til kl. 16.00 sunnudagin.