Bindiverkstova í Ribarhúsi

Hósdagin, 25. januar, fara vit at hava eina bindiverkstovu í Ribarhús í Fuglafirði, og tað verða turriklæðir, sum vit varpa ljós á. Deiliga hóskandi til hesa køldu tíðina.

Súsanna Mørkøre kemur at læra okkum at binda eitt turriklæði við patent, og so fara vit frá Uppskrift.fo eisini at læra tykkum at binda Heim í Heiðarnar turriklæðið.

Vit møtast kl. 19 í Ribarhús, fáa okkum ein kaffimunn og práta, og so byrjar undirvísingin kl. 19:30.

Kaffi og køka verður til keyps í Lúku-kaféini í Ribarhúsi.

Hespan kemur at hava ein sølubás, so tit kunnu keypa tógv til turriklæðini (ella til hitt projektið, sum tú leingi hevur ætlað tær at byrjað uppá, men ikki ert komin so langt – heilt sikkurt tú veitst hvat eg meini 😉 ).