23/06/2020

Marjun í Lambanum í Ribarhúsi

Marjun letur upp málningaframsýning leygardagin, 27. juni kl 16 – og øll hjartaliga vælkomin til ferniseringina 🙂
Marjun er ættað úr Norðagøtu og er gift við fuglfirðinginum Samson í Lambanum og eiga tey 4 deilig børn: Fritleif, Sonja, Ragna og Jákup.

Tað skemtiliga og tað listaliga eigur dagin og løtuna. Hennara penslabørn eru komin væl undan,  Flestu málningar hennara eru av bygdum, bygdaløgum og persónum í vøkrum, ljóslittum, gráligum skapum, sum halda hendur fast um tilverunar gongd í einum vøkrum íblástri í einari kensluligari tilevning.

Tað verða 20 verk á vegginum og framsýningin hongur uppi til hósdagin 9. juli.

Frits: Havi eina yndisliga, fagra, lítla mynd á vegginum , sum Marjun hevur gjørt 1998 av eini mammu við einum bróstabarni og einum størri barni, sum leggur seg afturat móðrini á vinstru lið. Hetta er millum hennara fyrstu myndir, og má eg siga, at hetta ein sjón fyri eygað og gleðiligt at sjá hvønn dag.