09/01/2020

Tummas Jákup Thomsen í Ribarhúsi

Leygardagin 11. januar kl 16:00 letur framsýningin hjá Tummas Jákup Thomsen úr Gøtu  upp.

Hann hevur í mong ár fingist við installatiónslist, myndatøku, træskurð o.a.

Var á fyrsta sinni við á Varmakelduframsýningini 1977. Hann hevur síðani 1989 verið við á útvaldum framsýningum og einkarframsýningum (Listasavn Føroya) her heima og uttanlands. Í Danmark á The Scream Borealis 8 Arken Museet For Samtidskunst 95-96 og Færæsk kunst. Den Frie 1999. Í Norra á Edvard Munks Ekely 2000. Í Týsklandi, Kekkia og Usa.

Ferðaframsýning í Norðurlandahøpi(Gisp 2014). Listprýðingar: G! Festival 2003, 2017, Skúlin við Gøtugjógv 2011, Skjólið 2017 Tórshavn og myndprýtt fleiri yrkingasøvn.

Almenn søvn: Norðoya Listafelag, Føroya Fólkaháskúla, Ølgod Kommune, Tórhavnar kommunu og Litsasavn Føroya.

Framsýningin hongur uppi allan januar og er opin tá  Piddasahandil er opin.